سەرۆکایەتی پەرلەمان عراق وەشیوەی فەرمی کۆتایی وە ئەندامیەتی حەلبوسی تیارێد..بەڵگەنامە
2023-11-21T09:09:00+00:00
شەفەق نیوز/ سەرۆکایەتی ئەنجومەن نوێنەرەیل عراق بڕیادا وە کۆتایی هاوردن ئەندامیەتی سەرۆک ئەنجومەن محەمەد حەلبوسی وەشیوەی فەرمی.
لە نویسریایيگ واژووکریای وەلایەن جیگیر سەرۆک ئەنجومەن نوێنەرەیل محسن مەندەلاوی بڵاوکریاگ وەلایەن شەفەق نیوز هاتیە، وە پشت بەسین وە بڕیار دادگای فیدراڵی باڵا، بڕیاردریا وە کۆتایهاوردن ئەندامیەتی "محەمەد ریکان حەدید حەلبوسی" لە ئەنجومەن نوێنەرەیل لە خوول هەڵوژاردنەیل پەنجەم لە بڕوار چواردەی تەشرین یەکەم 2023.
لە گوزەشتە،ئەنجومەن نوێنەرەیل عراق بڕیاردا، دانشتن ئایندە کە سوو چوارشەممەس، دیاریبکرێد ئەرا هەڵوژاردن سەرۆک نوویگ ئەرا ئەنجومەنەگە لەدویای وە چوولی مەننی.
