نێچیروان بارزانی و حەلبوسی باس هاوکاری ئەرا نەهیشتن کاریگەرییەیل ژاوەژاو لەناوچەگە کەن

 سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: بارزانی، دویای نیمەڕو ئمڕوو، چەوی کەفتە محمد حەلبوسی سەرکردەی حزب تەقەدوم، وتیش؛ هەردوگ لایەنەگە باس رەوش سیاسی و ئەمنی لە عراق، و پەیوەندیەیل ناوەین هەولێر و بەغدا و چارەکردن گرفتەیل ناوەینیان کریا، و زوور لەبان مەترسی تیرۆر و رەوشەیل ناوچەگە وەشیوەی گشتی کریا.

 بەیاننامەگە وتیش: هەردوگ لایەنەگە هاوڕا بوین لەبان گرنگی هاوکاری ناوەین لایەنەیل سیاسی ئەرا سەرکەفتن لەبان سەختیەیل ئیسە و نەهیشتن کاریگەرییەیل ژاوەژاو لەناوچەگە.

بەیاننامەگە وتیش؛ ئەنجامەیل هەڵوژاردن ئەنجومەن پارێزگایل عراق و چینەیل مادەی ١٤٠ لە دەستور، باسەیل ناو ئەو دیدارە بوین.