دراوردن ١٨ پارچەی موگناتیسی لە گەیەی مناڵیگ لە ئەمریکا.. وینە

2023-01-23T07:37:24.000000Z

شەفەق نیوز/ دویای ژان وپیچ فرەیگ لەناو زگی، پزشکەیلیگ ئەمریکی توەنستن ١٨ پارچەی موگناتیسی لەناو گەیەی مناڵیگ لە تەمەن ٤ ساڵان درارن.

ئەو زاڕووە ژان و پیچ فرەیگ لەناو گیەی داشت ک ئارامی بڕێد، وەگەرد ئەڵاوردن، و پزشکەیل گومان لە لیخەرو درووزنی داشتن، هەرچەن ئەو لیخەروە لاوردن، وەلێ ژان مناڵەگە هەر زیای بوی.

وەگورەی کۆڤار  Paediatric Surgery Case Reports ئەمریکی ک خەورەگە بڵاو کردن، پزشکەیل هەنای تیشک ئەرا گەیەی مناڵەگە گردن، سەرسام بوین ک وینەی تیشکەگە چشتیگ جویر دەسوینک لەناو گەیەی نشان دا.

پزشکەیل مەزەنە کەن ئی مناڵە هەر ماوەیگ جاریگ یەک پارچەی موگناتیسی قویت داگە، و ئەو پارچەیلە لەناو گەیەی وەیەکەو لکیانە، و هەڵقەیگ جویر دەسوینک دروس کردنە، و بان لیخەروی بەسانە، و کەمکەم کونا لەناو لیخەروی دروس بویە.

 پزشکەیل وەکوتپڕ دەسکردنە نەشتەرگەری و زگ مناڵەگە واز کردن و ١٨ پارچەی موگناتیسی لەناو گەیەی دراوردن.

Shafaq Live
Shafaq Live