لە نەشتەرگەرییگ گورچگ وەراز ئەرا ئایەم دانریەێد
شەفەق نیوز/ پزیشکەێل ئەمرێکی لە نەشتەرگەری گورچگ وەرازێگ ئەرا ئایەمیگ لەوەر لەکارکەفتن گورچگەێلی سەرکەفتن، وە بی ئەوەگ سیستەم وەرگیریەگەی وەرهەڵستی بکێد.
لە ناوەن (لانگۆن) سەر وە زانکۆی پزیشکی نیویۆرک لە ئەمریکا گورچگ وەرازێگ ئەرا ئایەمێگ چنریا، ئیسە 90 کەستریش ناو خوەیان نووسینە تا ئی جوور نەشتەرگریە ئەرایان بکرێد.
ئەو کەسەی نەشتەرگەریەگە ئەرای کریایە مەغزی کار ناکەێد، دواما پزیشکەێلە ئسفاکردنە گورچگی لەکار کەفتیە بایەت ئاڵشت بوود، پێشنیار تاقیکردنەوەێگ وەی جوورە لەبانی کردنە و خێزانەگەێشی رەزامەنی خوەیان دانە.
ئەوەی جی وڕمانە ڕیژەی ئامێر میز وراز وەگەرد ئایەم جیاوەزە باوەجی بار تەندروسی کەسەگە تا ئیسە جیگیرە و هویچ وەرهەڵستێگ ئەرا گورچگ وەرازەگە نەکردیە.
پزیشکی وەرپرس نەشتەرگەریەگە رۆبەرت مۆنتگۆمری ئەرا ئاژانس "رۆیتەرز"ئاشکرا کرد ک نەشتەرگەریەگە بەڵگەێ ئەوە دایە دەسمان گورچک چنریاێگ ک لە ئاژەڵ هاوریاگە، کاردانەوەێگ خێرا و نەینی ناکەێدە بان ئایەم.
پزیشکەێلە ئەیە وە سەرکەفتن گەورەێگ لە بوار زانست دانەنێ، چووینکە لە کێشەێل کەمی گورچگ دەسمەتیان دەێد.
