ئاڵشتبوین کەشوهەوا مویش لە ئەمریکا زیایەو کەێد

شەفەق نیوز/ زانایەیل دیاردەی ئاڵشتبوین کەشوهەوا وە زیایبوین بڵاوبوین مویش لە چەن شاریگ ئەمریکا و شارەیلبگ لە دەیشتی وەیەکەو گریە دان،
ماموستای زیندەوەری لە زانکۆی ریچمۆند ئەمریکا جۆناسان ریچاردسون توێژینەوەیگ لەبان بڵاوبوین مویش لە 13 شار ئەمریکی نویسان، وەگەرد تورینتۆ لە کەنەدا، و تۆکیۆ لە یابان، و هۆڵەندا.
ئەو داتایلە کە تیمەگەی گردیانەو کرد رەسن تا 12 ساڵ، وەگورەی ئەو توێژینەوە کە لە گۆڤار "ساينس ئەدڤانسز" بڵاو کریا.
زیایبوین مویش وە چەن کاریگ گریە دا، جویر فرەیی مەردم، و داوەزیان بڕەیل دار و درەخت، و وەشیوەی سەرەکی بەرزەوبوین پلەی گەرمی.
ریچاردسون وت: مویش مەمگدار بویچگە، لە سەردی زەبوونە، و گەرمی لە زمسان وەختیگ فرەتر وەپی دەێد تا مینەی خواردن لە دەیشت بکەێد، و هەمیش وەختیگ فرەتر وەپی دەێد ئەرا زاوزیکردن.
پارسونز پسپۆڕ مویش ئەرا تووڕ "سی ئێن ئێن" ئەمریکی وت: بیجگە ئەوە کە گەرمی دەرفەت زیاتر وەپی دەێد ئەرا مەنین و زیایبوین، لە گەرمی بوو خوەراک و زواڵە ئەرا دویرتر چوود، کە مویش وەزوتر پەیای کەێد.
شمارەی فرەیگ مویش گیچەڵ گەورەیگ ئەرا شارەیل دروس کەێد، کە زەرەد وە ژیرخان و خوەراک رەسنێد، و توەنێد وە قرتانن وایەر کارەبا یا لویلەی گاز ئاگر بکەێدەو.
وەگورەی سی ئێن ئێن، مویش نزیکەی 27 ملیار دۆلار زەرەد ساڵانە وە ئەمریکا رەسنێد.