کەشناسی هەرێم...پلەی گەرما نزمەو بوود

2023-01-24T09:02:14.000000Z

شەفەق نیوز/ کەشناس هەرێم کوردستان، ئمڕوو سێشەممە، کەشوهەوای پارێزگایەیل هەرێم راگەیان، و مەزەنە کەێد پلەی گەرما داوەزێد.

وەڕێەوبەرایەتی کەشناسی و زەویلەرزەی هەرێم راگەیان ئمڕوو سێشەممە ئاسمان ناوچەیل هەرێم ساماڵ و مەزەنەکریەێد پلەی گەرما نزمەوبوود وە بەراورد وە دویکە.

دیاریکرد، سوو چوارشەممە ئاسمان ناوچەیل هەرێم وە گشتی ساماڵە و لە ناوچە کویەیلە نیمە ئەورە و مەزەنەکریەێد پلەی گەرما نزیک بوود لە توومارەیل ئمڕوو.

وەپای مەزەنەیل وەرێەوبەرایەتیەگە بەرزترین پلەی گەرمای ناوچەیل هەرێم وەیجویرە بوود:

هەولێر     :  15 پلەى سیلیزى

سلێمانی    : 11  پلەى سیلیزى

دهۆک     :  13 پلەى سیلیزى

کەرکوک  : 17 پلەى سیلیزى

هەڵەبجە   :  12 پلەى سیلیزى

زاخۆ      :  15 پلەى سیلیزى

سۆران    :  11 پلەى سیلیزى

گەرمیان  :  18پلەى سیلیزى.

Shafaq Live
Shafaq Live