پارێزگاریگ عراقی هاناو بەرزترین پلەی گەرمی لە جهان

شەفەق نیوز/ پارێزگای نەجەف، لە ماوەی ٢٤ ساعەت گوزەیشتە، لەناو ئەو ناوچەیلە بوی ک بەرزترین پلەیل گەرمی لە جهان تۆمار کردن، ک شمارەیان رەسیە ١٥ شار لە جهان.

ویستکەی «بلاسیرفیلی» لە کالیفۆڕنیای ئەمریکا خشتەیگ وە بەرزترین پلەیل گەرمی لەجهان لە ماوەی ٢٤ ساعەت گوزەیشتە بڵاو کرد وئاژانس شەفەق نیوز چەودیریی کرد، و خشتەگە دیاری کرد ک ناوچەی نادی لە دوورگەی فیجی بەرزترین پلەی گەرمی وە ٤٩،٥ پلە تۆمار کرد، ئیجا ناوچەی بیلما لە دەوڵەت نەیجەر وە ٤٦،٦ پلە هات، و لە پشتی شار ماتام لە دەوڵەت سەنیگال وە ٤٥،٥ پلەی سەدی، ئیجا شار عێن قزام لە جەزائیر وە ٤٥،٥ پلەی سەدی.

لەناو خشتەگە هەمیش پارێزگای نەجەف ٤٤ پلەی تۆمار کرد ک لەدویای ئەو خشتەگە هات و عێن ئاتی لە جەزائیر وە ٤٤،١ پلەی سەدی لەنوای بوی.