پویچەڵکردن بومبەیل دانریاگ لەڕی زیارەتکەرەیل کەربەلا لە دیالە
2023-09-04T11:41:18+00:00
شەفەق نیوز/ تاڵب موسەوەی فەرماندەی ئۆپراسیۆنەیل دیالە لە حەشد شەعبی، ئمڕوو دووشەممە، ئاشکرای پویچەڵکردن تەقەلای ئامانجکردن زیارەتکەرەیل چلەی ئیمام حسێن وە بومبەیل دانریاگ لە باشوور خوەرھەڵات قەزای موقدادیە.
موسەوی لە وتاریگ رووژنامەوانی رەسیە ئاژانس شەفەق نیوز وت: هیزیگ لە فەوج فەرماندەیی، شەوەکی ئمڕوو، لە دویای رەسین زانیاریەیل هەواڵگری هویردیگ لە بومبەیلیگ دانریاگ لە ئاوای جاسم عاجل باشوور خوەرهەڵات قەزای موقدادیە کەفتنە جویلە.
دیاری کرد کە هیزەگە دوو بومب ئامادەکریاگ ئەرا تەقانن و گولەی بی کەی سی و بومب دەسی پەیا کرد.
وتیش: مەفرەزەیل ئەو بومبەیلە وەشیوەی بیوەییگ تەقاننەو و گلەو خواردن.
