بارزانی ئەرا حەکیم: چارەسەرییگ ریشەیی ئەرا گرفتەگان وەگەرد بەغداد خوازیمن

Category: هــــه‌واڵ عــیراق

Date: 2021-02-21T10:55:07+0000
بارزانی ئەرا حەکیم: چارەسەرییگ ریشەیی ئەرا گرفتەگان وەگەرد بەغداد خوازیمن

شەفەق نیوز/ مەسرور بارزانی سەرۆک حکومەت هەرێم کوردستان، ئمڕوو یەکشەممە، وت: هەرێم کوردستان چەوەڕی چارەسەرییگ ریشەیی ئەرا گرفتەگان وەگەرد حکومەت فیدڕاڵی کەێد، وەرانوەر مسۆگەرکردن مافەیل دەستووری کوردستان.

ئەوەیش لە چەوپیکەفتن عەمار حەکیم وەرپرس شەپۆل حیکمەی نیشتمانی و هاوپەیمان (وطنيون)، وەگورەی بەیاننامەی حکومەت هەرێم.

بەیاننامەگە وتیش: لە چەوپیکەفتنەگە باس لە دویاترین نووەوەبویەگان لە رەوشەیل عراق کریا، وەگەرد باس پەیوەندیەگان لەناوبەین هەرێم کوردستان و حکومەت فیدڕاڵی.

حەکیم دووپات کرد ک جوور برادەر و هاوپەیمانیگ نووڕیمنە کوردستان، و بایەدە دەستوور بوودە یەکلاوەکەر ئەرا چارەسەرکەردن گرفتە گیرهاتگەگان لەناوبەین حکومەت هەرێم و حکومەت فیدڕاڵی.

وتیش: پشتگیری ئەو رێککەفتنە کەیمن ک لەناوبەین حکومەت هەرێم و حکومەت فیدڕاڵی لەباوەت بوودجەی گشتی عراق ئەرا ساڵ ٢٠٢١ ئەرای رەسینە، و ئومید خوازیمن لە ئەنجومەن نۆێنەران دەنگ لەبان پڕۆژەی بوودجەگە بیریەێد.

هەرلیوا، سەرۆک حکومەت هەرێم جەخت کرد ک هەرێم کوردستان هەمیشە چارەسەرییگ ریشەیی ئەرا گرفتەگان وەگەرد حکومەت فیدڕاڵی خوازێد، لە بنەمای ماف و شایستە دەستورەیل هەرێم کوردستان، و وەو شیوە ک مقەیەتی پایە و تایبەتمەندیە فیدڕاڵیەگەی کەێد، وەگەرد رێزگردن لە بنەمای هاوبەشی و هاوسەنگی وهەماهەنگی.

related

بارزانی و شەپۆل حەکیم: بەرژەوەنی عراق کەفێدە وەر مەترسی راسییگ

Date: 2020-09-29 10:42:15
بارزانی و شەپۆل حەکیم: بەرژەوەنی عراق کەفێدە وەر مەترسی راسییگ

وەهاووەختی وەگەرد دیدار بارزانی وەگەرد ماکڕۆن وکازمی..شێخ جەنگی سەردان بەغداد کەێد و وەگەرد مالکی گردەو بوود

Date: 2020-09-02 12:23:32
وەهاووەختی وەگەرد دیدار بارزانی وەگەرد ماکڕۆن وکازمی..شێخ جەنگی سەردان بەغداد کەێد و وەگەرد مالکی گردەو بوود

بارزانی: بایەدە بەغداد پابەندیەگانی وەرانوەر مافەیل هەرێم کوردستان جیوەجی بکەێد

Date: 2020-12-01 11:15:05
بارزانی: بایەدە بەغداد پابەندیەگانی وەرانوەر مافەیل هەرێم کوردستان جیوەجی بکەێد