مردن و 7 بی سەروشویني وە وەخوارکەفتن دوو فرۆکەی سەربازی لە ژاپۆن
2024-04-21T06:49:48+00:00
شەفەق نیوز/ لەدویای ئەوەگ لە ساعەتەیل دیر وەخت دویەشەو شەممە، دوو فرۆکەی سەربازی یابانی وەخوارکەفتن، وەزیر وەرگیری مینورو کیهارا مردن یەکیگ لە فرۆکەوانەیل و بی سەروشیون بوین 7 ترەک راگەیان.
کیهارا لە کۆنگرەیگ رووژنامەوانی وت لەو باوەڕەن دوو فرۆکەگە لەناوچەی خوەرهەڵات دورگەی توریشما لە زنجیرە دویرگەیل ئیزۆ پەیوەنی لەدەس دانە، لەوەخت راهێنانیگ شەوانە دژ دەریاوانەیل ناوچەگە، لەیەکەودانە.
دیاریکرد خزمەتگوزاری فریاکەفتن دەریاوانی وەجیماگەیل دوو فرۆکەگە توومارکردنە، کە هەریەکیان 4 کەس هەڵگردبوی.
وەرزیر وەرگیری دووپاتکرد یەکیگ لە ئندامەیل دەسەی میتا وە مردگی پەیاکردنە باوجی ئەو هەفتەی ترەک تائیسە بی سەروشوینن.
