وە ١٩ گولە.. گەنجیگ لە زیقار خوەشک خوەی کوشێد
شەفەق نیوز/ سەرچەوەیگ ئەمنی لە پارێزگای زیقار، ئمڕوو شەممە، خەوەردا لە گەنجیگ لە باکوور پارێزگاگە خوەشک خوەی کوشت.
سەرچەوەگە ئەرا ئاژانس شەفەق نیوز وت: گەنجیگ وە ١٩ گولە لە تفەنگەگەی لەناو ماڵیان لە قەزای غەراف، باکوور ناسریە خوەشک خوەی کوشت، و دیاری کرد ک هیمان هووکارەیل ئەو رۊداوە نادیارە.
سەرچەوەگە وتیش: هێزیگ ئەمنی دەورگرد شۊن رۊداوەگە گرد، و تەر دۊتەگە ئەرا پزشک دادوەری برد، تا ریکارەیل یاسایی تەواو بکەێد، و هێزیگ تر تاوانکارەگە دەسگیر کرس، و لێکۆلینەوە ئەرا زانستن هووکارەیل کوشتەنەگە ئاشکرا بوود.
لە شۊنیگ تر، چوار کەس وە رۊداویگ هاتوچو لە باشوور پارێزگاگە زەخمدار بۊن.
سەرچەوەگە ئەرا ئاژانس شەفەق نیوز وت: رۊداویگ هاتوچو کەفتە ناوبەین دوو ماتورسکڵ (سەتوتە) لە لە باشوور شار ناسریە.
سەرچەوەگە وتیش: رۊداوەگە بۊە هووکار زەخمداری ٤ کەس کەیوانویگ هاناویان، بریانە خەسەخانەی تورکی.
