رویوەڕوبین شەوانە ناونی خۆپیشاندەرەیل و هێزە ئەمنیەیلە لە دیوانیە
2021-07-27T07:05:23+00:00
شەفەق نیوز/ سەرچەوەیگ ئەمنی لە دیوانیە، ئمڕوو سێشەممە، خەوەردا ک هێزیگ ئەمنی خۆپیشاندانیگ شەوانە لەلای بینای هەواڵگری لە پارێزگاگە چویچان.
سەرچەوەگە ئەرا ئاژانس شەفەق نیوز وت؛ دەیان کەس دوێەشەو دەرچگنە ناڕەزایەتی نووڕەیگ لە وەردەم بینای هەواڵگری لە دیوانیە دژوە دەسگیرکردن یەکیگ لە چالاکوانەیل.
وتیش؛ ئەو ناڕەزایەتیە رویوەڕوبین وەگەرد هێزەیل دژە ئاژاوە لە دەروازەی وەڕێۆبەرایەتیەگە دروس کرد، و دیاری کرد ک ئەو هێزەیلە گولەی زنی وەرانوەر ناڕەزایلە وەکار هاوردن.
