رەدکردن دەنگۆیەیل بەسانن ئاسمان ئەرا ماوەی 72 ساعەت.. عراق: گەشتەیل ئاسمانی وە شيوەی ئاسایی وەڕيەو چوود

شەفەق نیوز - بەغداد

فەریق سەعد مەعن سەرۆک دەسەی پەیوەنییە گشتییەیل و پەیوەنی حکومی لە نویسینگەی فەرماندەی گشتی هێزەیل چەکدار، ئمڕوو شەممە، نادروسی ئەو دەنگۆیەیلە دووپات کرد  لەبان بڕیگ لە ماڵپەڕەیل تووڕەیل کۆمەڵایەتی لەبان بەسانن ئاسمان عراق ئەرا ماوەی 72 ساعەت بڵاو کریانە، و دیاری کرد  ئاسمان عراق وازە و جویڵەی گەشتەیل ئاسمانی لە ناوی وە شیوەی ئاسایی وەڕێوە چوود و هویچ بڕیاریگ ئەرا بەساننی نییە.

فەریق مەعن لە بەیاننامەیگ  رەسیدە ئاژانس شەفەق نیوز ئئاشکرا کرد،  ئەو گرتە ڤیدیۆییە کە لە ئی باوەتە بڵاو کریاس هی وەختیگ وەرجە ئیسەس و دەسکاری لە ناوی کریاس  لە چوارچمگ راسکانی خوەی دەرچگە، و داوا لە وەکارهاوەرەیل ماڵپەڕەیل تووڕە کۆمەڵایەتی و شوینکەفتیەیل کرد هویردنوڕین بوون  و وەرپرسیارێتی لە گواستنەوەی زانیارییەیل بگرنە وەر و نەکەفنە شوین گرتە بڕیاگ یا دەسکاریکریایەیل یا بەشداری لە بڵاوکردن پڕوپاگەندە بکەن، وەگەرد هەوەجەی پشتبەسانن وە سەرچەوە فەرمییەیل ئەرا وەرگردن خەوەر و زانیارییەیل.