خاو بەسڕە زیاتر لە دۆلاریگ ئەرا هەر بەرمیلیگ بەرزەو بوی وەگەرد بەرزبوین جیهانی نەفت

شەفەق نیوز - بەغداد

نرخەیل نەفت عراقی بەرزبوینیگ نوو توومار کردن، ئمڕوو چوارشەممە، وەگەرد بەرزەوبوین نرخەیل نەفت لە بازاڕەیل جیهانی.

خاو بەسڕە قورس بڕ 1.39 دۆلار ئەرا هەر بەرمیلیگ بەرزەو بوی، تا رەسیە 73.55 دۆلار، و زیایبوینیگ وە رێژەی 1.93% توومار کرد، لە وەختیگ خاو بەسڕە ناوڕاس وە هەمان بڕ بەرزەو بوی ئەرا 76.55 دۆلار ئەرا هەر بەرمیلیگ، وە بەرزبوینیگ کە رێژەگەی 1.85% بوی.

لە ئاست جیهانی، گرێبەستەیل ئایندەی خاو  تەکساس ناوڕاس ئەمریکی بەرزەو بوی ئەرا 94.76 دۆلار ئەرا هەر بەرمیلیگ، وە زیایبوین 58 سەنت، یا 0.62%، لە وەختیگ خاو برێنت بەرزەو بوی ئەرا 106.37 دۆلار ئەرا هەر بەرمیلیگ، و بڕ 68 سەنت، یا 0.64% بەرزەو بوی.

هەمیش ئۆپیک نرخ 114.03 دۆلار ئەرا هەر بەرمیلیگ توومار کرد، وە زیایبوین 4.53 دۆلار، یا 4.14%.