بوەخش نەتوەنستم یادد بکەم!
بوەخش، من هەرگیز وەیجویرە هویرەو نیەکەم گشت رووژەیل ساڵ بکەمە رووژەیل بی مانا و هویچ و تەنیا یەک رووژ ئەرا خوەم دیاری بکەم، چوینکە گشت رووژەیل ساڵ هن منن، وەلامەو گرنگیگ نییە ئەگەر بوشیدەپیم خوەپەرەست!.
تەنانەت باوەتەیل پیاوسالاری و کۆمەڵگە داخراویش ئەرا توو گونجیاگ نییە، چوینکە توو فرە لەوەگ هویرەو کەێد رۆلیگ گەپتر دیرید وەبان پیاو و کۆمەڵگە و بگرە جەهانیش، ئیرنگە جەهان شۆرشیگ رووشنهویری کردیە، هەردوگ رەگەز شارەزای مافەگان تنن، هەوەجە نیەکەێد گەیایی ئەرا ماف بکەێد بەڵکم ئەرای کوشان بکە ئەرا ئەوانەگ وەدەسی هاوردیدە لەدەسی نەیەێد و ئەوەیش خوازید تا وەدەسی تیارید.
ئیرنگە تەکنەلۆژیا و ئەنتەرنیت هیشتیە وەرچەرخان گەپیگ لەمژار رووشنهویری رووی بدەێد، تەکنەلۆژیای ژیری هیشتیە تا رادەی خاسیگ ژن و پیاو یەکسانن بوون، هەمیش شارەزان لە مافەیل ژن و چ پیاو و چ کۆمەڵگەی ئیمەیش وەشیوەی فرەجوانیگ بی بەشمان نەکردیە لەو مافە هەڵبەت. " هەوەجە کەێد بوشیمن ئیمە وە شیوەی گشتی نووڕیمن وە پی نەک وە شیوەی تاک و سنوور کۆمەڵایەتی دیاریکریاگ".
لە ئاشکەراترین پێناسە را ماف (کۆمەڵە رێسایگ یاسایی یا کۆمەڵایەتی یا ئەخلاقیە وەپای بڕیگ سیستەم یاسایی و نەریت کۆمەڵایەتی یا تیۆر ئەخلاقی دەرفەت وەمەردەم دەێد لەباوەت بڕیگ چشت)، پێناسەگە بەراورد وە ئەو مافەیلە بکەین کە لەی سەردەمە ژن وەدەسی هاوردیە، هەر لە ئازادی هویروڕا دەربڕین و کارکردن و خوەنین هویچمان لەپیاویگ کەمتر نییە ئەگەر لە وەرین وشەی سەرکردایەتی ئەرا پیاو بویە ئیرنگە تەنانەت توەنستیمنە پلەی سەرکردایەتی و وەڕێوەبردن وەدەس باریمن، ئەگەر کۆمەڵگەگەمان پیاو سالار بویاتاد بیبەشمان لەی مافە گرنگەیلە ئەکرد.
هەشتی مارس، دی وشەی پیاو سالاری مۆدی نەمەنییە، من گشت رووژەیل ساڵ لە ژن پیرۆز کەم گشت رووژیگ رووژ ژنە، ژنیگ کە توەنست زاڕووە کوڕەیلی وەجوریگ پەروەردە بکەێد ئەو مافەیلە وە لایەن پیاویگ لەو سەنریابوی هەر وەلایەن پیاویگ بدرێدەو وەدەس ژن، هەر وەبوونەو ئویشمە پید گشت رووژیگد پیرۆز و خوەش و ئارام…
