کوڵە چیرووک

لە ئێوارەیگ کە زڵمات پسا تەک خس لە شار و دیەکە، ڕێوارێگ ڕەوەن شار، دەنگ گیری و وڕاوەی کەسێگ هاتە گووشیا.

وە نەرم و بێ کرچە، تەک خس لە شوون دەنگ. پیاگی میانەساڵ و میانەقامەت، لە بن دارێگ پسا گیرس. لە شان ڕاسێ، کیسەی پڕیگ و لە وەر دەمێ، گەماڵێگ کە پسا لەرزی و ڕکیا و گیان دا...

ڕێوار پرسی:

براگەم ئڕا گیری؟

پیای وەت:

ئڕا ئێ گەماڵە کە پسا مری و گیان کەنێ لە ورسی...

ڕێوار پرسی:

لە ناو ئەو کیسە چوە دیری؟

پیای وەت:

خورد و خوراک چەن هەفتەیگ دێرم.

ڕێوار وەت:

ئڕا لەو خوراکە وە گەماڵەگە نیەید تا لە ورسی تەوس نەکەی!؟

پیای وەت:

ئاخر، ئەو خوراکە ئڕا خوەمە! ئەگەر تەمام بوود، بایەد وە پۊل بسێنم!

رێوار پرسی:

ئمجا ئڕا چوە گیری؟

پیای وەت:

ئاخر، گیرسن قیمەت نەیری، بەڵام خورد و خوراک وە پارە و پۊلە...

فەرهاد عزەتی زادە