هونەر و باوەت سەردەم

شەفەق نیوز/ تۆماس ستینزەر ئیلیوت شاعر  مەزن ئەمریکا ئویشێد:

کۆتایی کەفێدە نوای سەرەتایی، و سەرەتایی و کۆتایی هەمیشە لەورا بوێنەسە، وەرجە سەرەتایی و دویای کۆتایی.

هەمیشە وئیسەیش وەوجوورە

ک خوەی سەردەم گوزەیشتە و سەردەم دویارووژە

ئەوەگ ئەگەر بوی ک بوود، و ئەوەگ وەڕاسی بوی، نشان خود کۆتایی دەن، ک خوەی هەمیشە ئیسەس.

لەی قسەیل شاعر مەزن ت. س. ئەلیوتە، خانمە هونەرمەن لوبنانی رانیا حسێن ک لە واشینتۆن جیگر بویە پێشنکای هونەری خوەی کەێد، وەگەرد ئی وتە م وەگەرد کارەیلی دانەێدەی، هویر باوەت سەردەمی خەێدە وەرچەو.

خانمە هونەرمەنەگە ئەزمون خوەی وەگەرد قسەیل ئیلیوت وە شیوەیگ گونجیاگ ئاشکرا کەێد، چوینکە ئەو بەشەەک هالە پارچە گەورەگە و لە وێنەگە دویرە، بڕیاگە و خریاسە وەردەم تا شیوەی یەک پارچەیی بخەێدەی وەر چەو، ک نە سەرەتا و نەیش کۆتا دیرێد.

هەرلیوا، لە باوەت شیوەگە، ئی کارەیلە شویەی قسەیل ئیلیوت دەربارەی سرووشت سەردەم نشان دەێد، و هەمیش وەگەرد کۆتایی نادیاریگ، ک ئاسان نیە یزاتێد کەی چنین و دویرمانەگە دەس وەپی کرد و چوین رەسیە کۆتایی، و دیارە ک گشت ک کارەکە لە دەیشت سەردەمەگە دروس کریاگە.

رانیا ناونیشان (زنجیرەی سەردەم)  Time-line  ئەرا ئی کاریە پەسەن کرد، ک چوین هانمان دەێد  چیرۆکیگ لەناو کارەیلی پەیا بکەیمن.