هەفت ئاڵنگ کورونا تا وە یەکساڵ دۆماتر
شەفەق نیووز/ هادەێ ژنەفت‌بین ک کوروونا چ بیماری گەنێگە ئوو کوروناگرتگەێلە خاسیشەو ک ببن هەمجا کورونا دە‌س‌ئەڵگر لەێیان نییە.
دە وتارێگ زانستی ک دە سایت "لنست" بڵاوەو بییە لەێ‌وا وتنە ک ئاڵنگ کورونا گرتن تا ساڵێ دۆماێ خاسەو بیینیش هە ها وەرد تووش‌هاتگەگە.
بڕێ لەێ نیشانەێلە ئەیانە؛
یەک- شەکەتی و وڵەکەتی، جوورێ ک ئایم لەخوەێیەو هە تەز لە گیان و لە ماسیچەێلەێ دەرنەدچن، چشتێ بییە ک پەنج‌کوت بیمارەێلە وتنە تا ساڵێ دۆماێ کوروناگەێش هە وەردێیان بییە.
دو- شێویان خاو، ئاڵنگێ بییە ک فرە لە تووش هاتگەێلە تا ساڵێ دۆماێ گرتنیش هە وەردێیان بییە ئوو خاسە ئەگەر کەسێ لەێ‌واسە، وەگەرد دوکتور خاسێ شەور و بەین بکەێ.
سێ- ژان‌وژوو یەکێ لە نیشانەێل کورونا داشتنە ئوو هەر کەسێ ک دۆماێ خاسییش، ژان و ژوو دە لەشێ دیرێ خووە بچووگە دوکتورێ ئەڕا ئی چشتە.
چوار- رزیان موو لە پرچ و قژ، یەکێ ترە لە هنەێل کورونا ک تا خەێلێ تریش ولکەرای خاس‌بییەگە نییە ئوو چگن وەرد دوکتور دە ئی‌بارە، فرە وەگەرەکە.
پەنج- هناسەوڕی. ئەوانەێ ک تا چەنێ دۆما خاسەو بیینیش چۆچشتێ هناسەکوترەو دبن هەم بایەد بچن وەرد دوکتور ریە و قەڵب بویشن ئوو فیزیووتراپێگیش ویزیتێیان بکەێ تا وە نەرمش و جمە و جوولەێلێ ک خوەێ دزانێ، خاسترێیەو بکەێ.
شەش-پەشێویایی و دڵەڕکی یەکێ تر لە ئەیانەسە.
دڵەوڕەکی و دڵپەشێوی دۆماێ کورونا دە فرە کەسەێل هەسە ئوو خووە ک تووش هاتگەێل وەێ دەردەێل نادیارە بچنە رەوانناس تا داک و دەرمانە بکرن.
هەفت-شێویان هەست بوو ئەڵکیشان و چەشین
بڕێ تر تا قەێرێ نە بوو ژنەون و نەێش ئەر چشتێ چەشە بکەن یا بخوەن لە تامێیەو ئەوڕەسن. ئی ئاڵنگە خوەێ وە خوەێ دچوو.
