کورونا، مه‌ڵکشاهیش له‌مان گرت
شه‌فه‌ق نیوز- جه‌ڵاڵ مه‌ڵکشا، شاعر و نویسه‌ر ناودار کورد ک وه خاتر کورونا، چه‌ن رووژ ده خه‌سته‌خانه خه‌فانبینه‌ی مرد.
ئه‌وی ده ئاوایی مه‌ڵکشا ده نزیکه‌ی شار سنه‌ی ئوستان کوردستان، ده ساڵ 1330 هه‌تاوی، هاته دی.
مه‌ڵکشا ده ده‌وره‌ی شا، که‌فته زندان و دۆمای ئنقڵاب ئسڵامی، وه مکیس ماموستا هێمن هه‌م ده‌سکرد وه شێعر کوردی وتن و هه‌م ده بڵاوگه‌ی کوردی سه‌ڵاح‌دین ئه‌یووبی، ئه‌ڕا چوارده ساڵ، ده‌س ده نام کار رووژنامه‌وانی کوردی بی.
دۆمای ئه‌و سه‌رده‌مه‌یش، قه‌یرێ بی وه سه‌رنویسه‌ران گوڤار پرشنگ دە هەولێر و قەیرێگیش دە بنگە‌ی فەرهەنگی بیر و ڕای ئە‌حمە‌د خانی، دە ورمێ، دنووسان ئە‌ڕایان و ئامووژگاری نمامەیل، وە شێعر کوردی دکرد.
لەی شاعر نامدارە، شێعرە‌یلێ وە کوردی و وە فارسی هاتگەسە دەر.
شێرکۆ بێکەس، دەبارەی مەڵکشا وتگە: ئەوەستەیلەی زوان و ئەدەبیات کوردی بردنە وەر ئە‌و نوا و زوانێ، زوان زڕ شێعر کوردیە، شێعرەیلە لە دڵ دە‌ران و وە دڵ دنیشن ک ئەگەر ژیان ئاسوودە‌سەری بکردا، لاپەڕەیل رەیین‌ترێ ئەڕا کوومەڵگای خوەی دئەڵڕازان.
بڕێ لە شێعرەیلەی مەڵکشا وە زوانە‌یل فارسی، ئنگرەیزی، فەرانسەوی، رووسی، عەراوی و لیبیاوی چاپ و بڵاوەو بینە.
