موزیكژەنیگ جەهانی گیتارەگەی ئەرا دۊتیگ کورد لەزیندان تورکیا کل کەێد
2022-02-24T07:01:50+00:00
شەفەق نیوز/ رۆجه‌ر واته‌رس، یەکیگ لەناودارترین هونەرمەن و موزیکژەنەیل جەهانە، گیتاره‌گه‌ی خوەی ئەرا دۊت کوردیگ گورانیچڕ کل کەێد، ک فەرمان ١٩ ساڵ زیندانیی لەتورکیا لەبانی چەسپیاگە.
نۆدەم دۆراك، دۊتە هونەرمەنیگ كوردە و تەمەنی ٣٤ ساڵە، خەڵک ماردینە، ک گورانی وە هەردوگ زوان توركی و زوان كوردی چڕێد، فەرمان 19 ساڵ زیندانی لەبانی دەرچگ، وەتوومەت ئەوەگ گورانی سیاسی چڕیە.
هەرچەن پارێزەرەیلی وتنە دەوڵەت توركیا هۊچ بەڵگەیگ لەی توومەتە نەیرێد تا ئی فەرمانە لەبانی بەێد.
هەنای لە ساڵ 2015 فەرمان دەرجگە، دۆراك خوازیە گیتارەگەی وەگەرد خوەی بوەێدە زیندان، باوجی پاسەوانەیل زیندانەگە کەمانەگەی شکاننە.
