عراقیش هاناویان.. ئۆردوگان باس لە یەکلاکردنەوەی هەڵمەتەیل سەربازیی لە ٣ وڵات کەێد
شەفەق نیوز/ رەجەب تەیب ئۆردوگان سەرۆک كۆمار تورکیا باس لە نیاز ئەنقەڕە کرد لە یەکلاکردنەوەی هەڵمەتە سەربازیەگانی لە سوریا و عراق و لیبیا ئەرا برژەوەنی خوەی و هاوپەیمانە ناوخۆیەگانی.
ئاژانس ئەنازۆل فەرمی تورکیا لە زوان ئۆردگان وە بۆنەی جەژن قوربان ئمڕوو پەنجشەممە وت: نیاز دیرێمن خەباتەگەمان لە سوریا و عراق تا لیبیا وەسەرکەفتن ئەرا خوەمان و برایلمان لەوەرا تەواو بکەیمن.
هەمیش سەرۆک تورکیا جەختکرد ک وڵاتەگەی تا کۆتایی وەردەوامبوود لە رەنجەیلی ئەرا مقەیەتی بەرژەوەنیەگانی لە خوەرهەڵات دریای ناوڕاس و دەریای ئیجە.
ئوردوگان دووپاتکرد ک تورکیا لە وەکارهاوردن مافەیل سەروەری خوەی وازنێتیەرێد، وئاماژەدا وە بڕیار دویاین ئەنقەڕە دەربارەی دووارە ئاڵشتکردن ئایا سۆفیای مێژووی ئەرا مزگەفت.
هەمیش سەرۆک تورکیا باس رەوش پەتاگە لەوڵاتەگە کرد لە پشت ڤایڕۆس کۆڕۆنا، و وت؛ گشت کەرتەگان بیجگە گەشتوگوزار نزیەک هاتنەوە بوین جوور وەرجە بڵاوبوین پەتاگە، ووڵاتەگە هاتەو ئەرا قۆناغ هاوردنەوەی ژیانە سروشتیەگە.
وتیش: تورکیا رێز جهان وەرگرد لە به‌ش تەندروسی و لە قۆناغ بڵاوبوین کۆرۆنا.
