یەکم ساڵهاتی ماموستا حشمەت مەنسووری
2021-03-21T08:58:34+00:00
شەفەق نیوز- بڕێ لە چالاکەێل و دووسخوازەێل شێعر و ئەدەبیات کوردی، دە پلەتفورم تلگرام، پرسە و سەرەخوەشیێگ مەجازی ئەڕا سەر ساڵ شادڕەوان حشمەت مەنسووری، کێخاێ شێعر و شاعر گەورەی کوردی‌وێژ ئیلامی، ئەونان.
دە ئی گرووپە بان سێسەد کەس لە هەواخوازەێل ئی‌شاعرە کووم ئەڵهاتنە و باس لە سەر خاسییەێلە و شێعرەێلەێ ئەو رێزدارە دکەن.
دە نام ئی شەواچە، بێ‌ژە پەیامەێل سەرەخوەشی، بڕێ لە شێعرەێلەێ مەرحووم ماموستا هەم دنرێ.
دە ئی یەکساڵە ک چگ، کورونا وە بان ئەو هەمگە گەنییەێلە و سەختییەێلە ک داشت، خوەێ بی وە چین خەێرێ ک یەکا گرتنەێلە مەجازی بییە وە باو ئوو یە خوەێ سنوورەێل وەخت و شوون لە ناوە ئەڵگرتگە و دنیا وەرەو لازەمانی و لامەکانی بردگە.
