فرووشتن کارەیل بیکاسو وە زیاتر لە ١٠٠ مەلیۆن دۆلار
2021-10-24T06:45:42+00:00
شەفەق نیوز/ ١١ تابلۆ وکار هەنەرمەن ئیسپانی بابلو بیکاسو فرووشیا، ک هیشت لاس فیگاس بوودە رۊییگ هونەری، ئەوەیش لە بانگەشەی ئاشکرا، بایی زیاتر لە ١٠٠ مەلیۆن دۆلار.
ماڵ بانگەشەی سودبیز، وەرجە دوو رووژ لە سەد و چلەم ساڵیاد داڵگبۊی بیکاسو، ئی بانگەشە لە هوتێل بیلاجیو لە لاس فیگاس سازێد، ک یە چەن ساڵیگە ئەو کارەیلە خریانەسە وەرچەو.
هونەرمەن ئیسپانی وەناوبانگ بابلو بيكاسو، لە بیس پەنج تەشرین یەکەم ساڵ ١٨٨١ لە مالقا پەیا بۊی.
پەنج لەی تابلۆیلە لەقەی دیوارەیل چێشتخانەی بیکاسو لە بیلاجو بۊی، وەگورەی باسکردن ئاژانس رۆیتەرز.
هەرچەن ١١ لە تابلۆلەی بیکاسو فرووشیا، باوجی چیشتەخانەگە ١٢ کار تر ئەرا بیکاسو لە دیوارەیلی خەێدە وەرچەو.
