پێشەنگایگ شیوەکاری ئەرا رەنگینی سرووشت لە هەولێر
شەفەق نیوز/ فەرمانگەی هونەر شیوەکاری لە هەرێم کوردستان، ئمڕوو سێشەممە، پێشانگایگ ئەرا هونەرمەن هێرش مەغدید باشە واز کرد، و باس وازکردن پێشانگایلیگ تر کرد وەگەرد وەرز وەهار و جەژن نەوروز، و هونەرمەنە کوردەگە دووپات کرد ک تابلۆیلی نشان رەنگینی سرووشت دەن.
هونەرمەن هێرش ئەرا ئاژانس شەفەق نیوز وت: ئی پێشانگای شیوەکاریە چوارەمە لە ئاست پێشانگایل تایبەت خوەی، و ئمڕوو لە هۆڵ میدیا لە شار هەولێر سازیەێد، و دیاری کرد ک گشت تابلۆیلە وە رەنگ ئاوی کریاگە و رەنگینی سرووشت نشان دەن.
لەلای خوەییش، ئازاد شوکری وەڕەوبەر فەرمانگەی هونەر شیوەکاری ک پێشانگاگە ڕێک خستیە، ئەرا ئاژانس شەفەق نیوز وت: رێکخستن ئی پێشانگا لە چالاکیەیل فەرمانگەگە تیەێد، و دیاری کرد ک فەرمانگەگە تەقەلای سازداێن پێشانگایل شیوەکاری و فۆتۆگرافی وەگورد هاتن وەرز وەهار دەێد، چۊنکە بۆنەیل نەتەوەیی گەل کورد و جەژنەیل نەوروز و راپەڕین کوردستان لەناوی هەس.
پێشانگاگە تا سێ رووژ وەردەوامە، و یەکەم رووژەگەی ئامادەبۊن دیاریگ لەلایەن هونەرمەن و دووسەیل هونەر لە هەولێر وەخوەی دی.
