پێشەنگایگ شیوەکاری ئەرا خوەنەوارەیل هونەر لە هەولێر.. وێنە
شەفەق نیوز/ هۆڵ میدیا لە هەولێر پایتەخت هەرێم کوردستان، ئمڕوو چوارشەممە، پێشەنگایگ ئەرا هونەر شیوەکاری گردە خوەی، ٤٠ تابلۆ ئەرا خوەنەوارەیل بەش شیوەکاری لە پەیمانگای هونەرە جوانەیلەی نا حکومەتی لەناوی نمایش کریا.
ئازاد شوکری وەڕیەوبەر فەرمانگەی هونەرەیل شیوەکاری لە وەزارەت روشنهۊری لە حکومەت هەرێم کوردستان، ئەرا ئاژانس شەفەق نیوز وت: ئی پیشانگا لە چالاکیەیل هاوبەش تیەێد ئەرا پەیامنگا ناحکوتیەیلە وەگەرد وەزارەت پەروەردە وەچەودیریکردن و رئکخستن فەرمانگەی هونەرەیل شیوەکاری، و دیاری کرد ک پێشنگاگە تا دوو رووژ وەردەوام بوود.
وتیش: شمارەیگ لە خوەنەوارەیل پەیمانگەگە وە چل تابلۆ بەشداری کردن، ک رەنگەیل ئاوی و رۊنی لەناوی بۊن، ک سرووشت و پۆرترێە و کەسایەتیەیل کۆمەڵایەتی نشان دەن، و دووپات کرد لە گرنگی ئیجۊر چالاکیەیلیگ هونەری ک کەفنە پای گەشەکردن هونەر شیوەکاری لە هەرێم کوردستان.
