دەسەڵاتەیل ئیران عزيز وەیسی مەرەقەز کەن
2022-10-16T13:10:02+00:00
شەفەق نیوز/ خانەوادەی هونەرمەن کورد عەزیز وەیسی، ئمڕوو یەکشەممە، مەرەقەزکردنی لەلایەن دەسەڵاتەیل ئیران راگەیان، دویای یەک رووژ لە دەسگیرکردنی.
سەیران عوسمان وەوی هونەرمەنەگە ئەرا ئاژانس شەفەق نیوز وت: هونەرمەن کورد عەزیز وەیسی ئمڕوو وە کەفالەت پویلی مەرەقەز کریا.
دویەکە دەسەڵاتەیل ئیران هونەرمەن کورد وەناوبانگ عەزیز وەیسی دەسگیر کردن، ئەوەیش دویای بڵاوکردن گورانییگ وە پشتگیریکردن ناڕەزایل ئیران.
عەزیز وەیسی یەکیگە لە وەناوبانگترین هونەرمەنەیل جەماوەری کورد، و رەگەزنامەی ئیرانیە، ک لە دە ساڵ گوزەشتە وە شیوەی وەرچەویگ لە هەرێم کوردستان عزيز ناودیارەو بوی، ک گورانی لە ئاهەنگەیل درویگ چڕیە.
