ڤیدیۆ.. خانمە هونەرمەنیگ ناودار بۆلیوود لە خەڵک شار خانەقین
2021-05-30T07:53:54+00:00
شەفەق نیوز/ خانمە ئەکتەر و مودێل و گورانیچڕ ناودار بۆلیوود وارینا حسێن، لە کوردەیل شار خانەقینە.
وارینا دوێەت عەلی حسێن نامادارە، ک وە عەلی بەداو ناسریاگە، خەڵک شار خانەقینە ولە گەڕەک پاشا کوپری بویە.
باوگ وارینا لە ساڵ ١٩٩٠ جوور پەنابەریگ کورد روی وەرەو ئیران کرد، ئیجا رەسیە پاکستان.
عەلی بەداو لە پاکستان وەگەرد خانمیگ ئەفغانی هاوسەرگیری کرد، و لە ساڵ ١٩٩٦ دوێەتیگ (وارینا) ئەرایان بوی، و ئیسەیش لە وڵات هیندستان جیگر بویە.
لە پارچە ڤیدیۆییگ وارینا وەگەرد باوگی کوردبوین خوەیان ئاشکراکەن.
