ئامریکا، وەرد ئایم فەزاییەیلە دووسی‌نامە بەسییە
شەفەق نیوز- (حائیم عیشید) ژنراڵ ئسرائیلی ک وە نام (باوگ بەرنامەیل فەزائی ئسرائیل)یش نام دەر کردگە، دە قسەیلێ چەپی چەواشە، وتگە: دە تەوان بەرنامە و کارەیل فەزائی، ئامریکا وەو جییە رەسییە ک وە هشارەکی، پەیمان دووسایەتی وەرد فەزائییەیلە بەسییە.
ئەوی ک دە نامەین ساڵەیل 1981 تا 2011 زایەنی بەرپرس بەرنامەیل فەزایی وزارەت جەنگ دەوڵەت ئسرائیل بییە، دە دەمتەقە ئەکووسیاتێ ک وەرد رووژنامەی عبری (یدیعووت ئحارانووت) داشتگە، وتگە: ئایم فەزائییەیلە ئەڕا نووسان و واژۆ کردن ئی برایە‌تی‌نامە، وە هشارەکی، له کوره‌یگێ تر هاتنە‌سە بان زەمین و گلەو خواردنە و لە ئامریکاییش خواستنە ک نامێیان و شوون و نوونێیان ئاشکارا نەکەێگەو.
هەرچەن یە یەکم‌جارە ک سیاسی‌ئایمێ ئیجوورە چشتێ وتگە، باوجی باس ئایم فەزاییەیلە و هاتنێ‌یان وە بان زەمین، یە خەیلێگە کریاگە و بڕێ لە باستان‌ناسەیلە‌یش وتنە؛ نەخش و نگار ئایمەیل سەرباریک و مارملیک‌سەرێ ک ها دە بان کوچگەیلەی نام قەورخانیلەیل هووز فەراعنەی مسر جاران، گشتێ ئایم فەزائیین و ئەبوڵهەوڵ لە روویێ ئایم فەزائییەیلە سازریاگە و گرتن گشت ئەهرام مسر کار ئەوانە‌سە نە کار ئایم.
