وێنە.. ئاسمان هەزاران دۆلار وەخشێدە ژنیگ
شەفەق نیوز/ ناکاوییگ دووانەکی وەگەرد ژنیگ کەنەدی بازی کرد، ک لە مردن مسۆگەریگ رزگای کرد، و هەمیش دیارییگ ئاسمانی گرانیگ رەسانە دەسی.
رووژنامەی دەیلی مەیل بەریتانی وت: رۆس هاملتون خانمیگە کەنەدی، وە ئەڵاجەۊییگ لە مەرگ سەنگیگ قورتار بۊی هەنای قەوارەی ماڵەگەی لە شار بریتیش کۆلۆمبیا کونا کرد و کەفتە بان شەوخەفەگەی.
و دیاری کرد ک هاملتون سان لەدەنگ رمەیگ هاتە خەوەر، و دەمچەوی وە تووز پلگیایە، و پارچەی سەنگیگ کەفیەسە بان شەوخەفەگەی.
ئەو سەنگ ئاسمانیە (نەیزەک) وەرەو خوەرهەڵات لیک لویز کەفتە خوار، و هەوادارەیل نەیزەکەیلە کەفتنە شۊینی، باوجی کەسیگ لە یادی نەۊی ک پارچەیلی بکەفیدە ژوور خەفتن کەسیگ.
هاملتون پەیوەندی وە فریاکەفتن کرد تا ئاشکرا بۊی ک پارچە سەنگیەگە لە خانیەگەی هاتیەسە ناو. خوەشبەختانە کی سەنگ ئاسمانیە زەخمدار هاملتون خان نەکرد، و ئەوەسا جۊر یادگارییگ ئەرا ڤەرزەنەیلی هەڵی گرێد.
جی باسە ک شەنگە نەیزەکەیلە نازاڕ گەرمیگ دیرن، و نرخی رەسێدە هەزاران دۆلار، و بەشیگیان رەسێدە سەدان هەزار دۆلار.
