وەرزشکاریگ میسری مکیس ئەرا ئاهەنگ سویر خوەی کەێد و مەردم تیەنە پرسەی
2023-09-03T12:36:23+00:00
شەفەق نیوز/ خوسە و خەفەتیگ کەفتە ناو خەڵک ناوچەی بەنی مەزار لە پارێزگای منیا لە سەعید وڵات میسر، دویای ئەوە کە چاو مردن بازیکەر لەشجوانی ناودیاریگ وەناو مستەفا مەجدی وەپییان رەسێد، ئەوەیش وەرجە چەن رووژیگ لە سویرەگەی.
کاپتن مەجدی کارتەیل مکیس ئەرا ئاهەنگ سویرەگەی بەشەو کردیاد، کە تەگبیر بوی بکەفێدە رووژ چوارشەمە ٦ ئەیلوول، و هۆڵیگ ئەرا ئاهەنگە گردیە، باوجی مردن ناکاویی خەفەتبار مەردم کرد.
سەرچەوەیلیگ نزیک لە کاپتنەگە وتنە مستەفا لە ناو مرافەیگ تویش گولەیگ هاتیە و گیانی لەدەسدا.
ماڵپەڕەیل سۆشیال میدیا پرسە و سەرەخوەشی و خوسەداری خوەیان وە مردن ئەو گەنجە بڵاو کردن، لە کۆلێژ دادپەروەری دەرچگ، و وینەیل پرسەگەی وەگەرد کارەتەیل مکیسکردن ئەرا سویرەگەی بڵاو کردن.
