هونەر کینتسوگوری
شەفەق نیوز/ خانم سەماکەر شانۆیی ئەڵمانی پینا باوش، ئویشێد: ناسکی تو هەمیش هێزەیگە، وەکەم نەزانەی.
هونەر کینتسوکوری یابانی، هونەر پینەکردن چشتە وە تەڵا، هونەریگە یابانی، تایبەت وە خاسەوکردن قاجاخ خەڕگین و رەنگکردنی وە رەنگ و ئارد تەڵا یا زریشک، ک خوەی کەلتور یابانی کۆنەیگە، ک کەس قاب شکیاگ فڕە نیەێد باوجی رەنگینەو کریەێد، ک ئی پیشەی یابانیە لە فەلسەفەی ئاینی (تەواوی تەنیا ئەرا خوداس) هاتگە.
کینتسوکوری هاوشیوەس فەلسەفەی وابی-سابی یابانیە، ک کەمی و ناتەواوی جوور بەشیگ لە رەنگینی دانەێد، هویر رەنگینی یابانی ئەرزشدار نشانەیل کەل و کووسەی وەکارهاوردن چشتەیلە کەێد، ک بوودە هاندەریگ ئەرا هەڵگردن ئەو چشتەیلە دویای شکیانیان، و بوودە دەسپیچگ ئەرا دەرکەفتن پیشەی کینتسوگی، ک شوین شکیاگەیلە پڕەو کەێد جوور میژوو جیوازیگ لە ژیان ئی چشتە لەجیای ئەوە ک ئەو شکیانە و. کۆتایی بەێدە قەڵەم.
شایەت پیشەی کینتسوگی پەیوەندی وە فەلسەفەی (موشین) یابانی بیاشتاد ک رازیبوین وە ئاڵشتیەیل دەوان و چارەنووسی گرێدەو.
