هەڵپوقیانیگ بکوش ناکاوی هەڕەشەی ١٥ مەلیۆن کەس لە چوار دەوڵەت دەێد
تۆێژینەوەیگ وەلایەن کۆڤار پەیوەندیەیل سرووشت بڵاو کریا، نشان دا ک نیمەی ئەوانەک لە سای کارەساتەگە داکاسیانە، ك وەپی ئویشن لافاو هەڵپوقیان دەریاچیەیل یەخین، هانە چوار دەوڵەت: هندستان و پاکستان و پیرۆ و چین.
تۆێژینەوەیگتر نووڕست ک زیاتر لە ١٥٠ تەقیان لافاوەیل یەخین لە میژوو و سەردەمەیل نوو بویە.
دویەم تۆێژینەوەگە وت: ئەو هەڕەشە ئەمریکیەیل و ئەوروپادیەیل کەم کەفتە فتراقی، باوجی یەک مەلیۆن کەس تەنیا ١٠ کێلومەتر لەو دەریاچیەیل یەخینە دویرن ک ئەگەر دیرێد ئارام نەون.
لافاول دەریاچەیل یەخین لەساڵ ٢٠٢٠ لە کۆڵۆمبیای بەریتانی لە کەنەدا بویە هوکار تسۆنامی ک نزیکەی ١٠٠ مەتر ئاوەگە بەرزەو کرد، وەلێ کەسیگ تویش نەهات.
زانایل ئویشن، تا ئیسە دیار نییە ک ئاڵشتبوین کەشوهەوا ئی لافاوەیلە زیای کردیە، وەلێ وەگەرد کەمەوبوین چەمەیل یەخین لەوەر بەرزەوبوین گەرمی، ئاو دەریاچەیل زیای بوود، ک رخ تەقیان بەنداوەیل زیای کەێد.
