په‌نج له سه‌د ئیلامییه‌یل قه‌ن خوێن دیرن
2020-11-16T19:57:45+00:00
شه‌فه‌ق نیوز- موعاون بێهداشتی زانکۆ عولووم پزشکی ئیلام وت: هه‌فت و نیم له سه‌د ئیلامییه‌یلێ ک بان بیس و په‌نج ساڵێیانه، دیابت یا وه قه‌وڵ کوردییه‌ی خوه‌مان، قه‌ن خوێن، دیرن ک ده گشت ئێران نرخ دیابت دبێگه یانزه له سه‌د.
دوکتور جه‌یل سادقی له‌ی باره وت: ئی بیمارییه ئێسه بییه‌سه یه‌کێ له گه‌وراترین ئپیدمییه‌یل دنیا ده گشت تاریخ چوون ک چوارسه‌د و هه‌شتا و سێ ملیوون که‌س له ئایمه‌یلێ ک ده نامه‌ین بیس تا هه‌فتا و نۆ ساڵ دیرن، قه‌ن خوێن گرتنه.
ئه‌وی وت: وه‌وجووره ک وتنه تا ساڵ 2045 زایه‌نی، بان 700 ملیوون ئایم تووش دیابت دیان و ئه‌ر بزانیمن ک هه ده ساڵ 2019، بان چوار ملیوون و دوسه‌د هزار که‌س له وه‌شت ئی بیمارییه مردنه، دزانیمن ک توای ئی بیمارییه وه ده‌س که‌م نه‌گریمن.
