ده‌باره‌ی چه‌کانن ده‌رانه‌ی مه‌دارس ده ئیلام
2020-09-07T11:32:15+00:00
مسته‌فا به‌یگی / دوکتور که‌ریمیان، ره‌ییس دانشگای عولوم پزشکی ئیلام فه‌یلی وت ک ۸۶۵۳ که‌س تۊش کرونا هاتنه و چوارده بیمار تازه و دو مردگ کرونا زیاتره‌و بییه و تا یه‌مه ٢٢١ ئیلامی ک کرونا گرتنه، مردنه، وه‌لێ زه‌نگ واز بیین مه‌دره‌سه‌یل ده ئیلامییش کوتریا.
وه‌ختێ داڵگ و باوگه‌یل مناڵه‌یله دین ک سه‌روک‌کومار ئێران، روحانی، خوه‌ی چۊ هه‌ر ساڵ، نه‌وێرست ک بچووگه نام مه‌دره‌سه‌یێگ تا یه‌کم زه‌نگ ساڵ نوو مهدرهسه ده ئێران بزڕنێ و هه وه ئانلاینه‌وه ئی کاره کرد، فره‌تر ده‌نگێیان ده‌‌رهات.
وه بان یه کِ مهدرهسه، وازه‌و بۊه، وه‌لێ ئمساڵ زاڕوومه‌دره‌سه‌یل فره نه‌چگنه مه‌درسه‌یله و بنه‌ماڵه‌یله هه هانه ته‌ما به‌شکه‌م ئمساڵیش دواره ته‌دریس وه مه‌جازی بکرێ.
ئه‌و جووره ک دیاره، چوون وزاره‌ت ئامووزش و په‌روه‌رش شه‌ڕ له خوه‌ی خستگه‌سه لا و وتگه ک مودیره‌یل وموعه‌لمه‌یله بایه‌د ویردار زاڕوومه‌دره‌سه‌یله ببن و ئه‌ر گیرووده ببن که‌فێگه مل ئه‌وان، چۊ چشتێ چمان خاونکاره‌یل مه‌دره‌سه‌یله‌یش ده خودایانه ک داڵگ و باوگه‌یله، مناڵه‌یله‌یان کل نه‌که‌نه مه‌درسه.
چشتێ ک باوگ و داڵگه‌یله دودڵ کردگه، یه‌سه ک هه‌م قه‌یر فره له‌یان کامپیووتر و موبایل و ته‌بلت ئه‌ندرویدار نه‌یرن، هه‌میش به‌رنامه‌ی شاد ک پاره‌که کریا وه ئه‌پلی‌که‌یشن ئه‌ڕا ده‌رس داین فره وه‌کار نه‌بۊ.
ئی چه‌ن ده‌سه‌کییه، تا ئمڕوو سه‌ر له وڵات شێوانگه و نه دبێ بویشیمن ک باوگ و داڵگه‌یله دزانن چه بکه‌ن، نه‌یش خاون مه‌دره‌سه‌یل وه رێ و ره‌وه‌ن کار خوه‌یان یا وه ده‌ستووره‌یل وزاره‌تخانه‌گه‌یان فره دڵنیا و دڵقورسن.
ئی دڵه‌وڕه‌کییه وه‌ختێ فره‌تر‌ه‌و دبێ ک مه‌ردم ژنه‌ون ک هه‌رکام له به‌رپرسه‌یله‌یان ئه‌ڕا خوه‌ی یه‌ک قسه‌ی دکه‌ێ، جوور خانم دوکتور مینوو موحره‌ز له ئه‌ندامه‌یل ستاد میللی کروناپیه‌رێزی وتگه ک "واز کردن مه‌دره‌سه‌یل کار خاسێ نییه و گه‌نه ک وه‌رد گیان میلیوون‌میلیوون له مناڵه‌یل مه‌ردم وازی بکرێ چوون هه‌م مه‌دره‌سه‌یله‌مان جوورێ نیین ک گژه‌ی وا ده‌یان بیاێ و بویشیمن چوون ک گژه‌گژ بایێیانه، کروناگیری که‌مه‌و دکه‌ن، هه‌م ماسک ده وه‌ره‌قه‌ت کرونا نیه‌یاێ و هه‌م حه‌تتا ئه‌گه‌ر وه بومب زدعوفوونی هه‌م بخوازیمن پرچ و پاک کڵاسه‌یله‌گه بکه‌یمن، نیه‌توانیمن دڵنیا ببیمن ک دی که‌س کرونا نیه‌گرێ.
هه له‌ی‌وا ره‌ییس ئه‌نستیتو پاستووور ک مه‌ڵبه‌ند په‌سه‌ن کردن و ره‌د کردن داروو و ده‌رمانه‌یل تازه ده ئێرانه وتگه: ئه‌ر واکسه‌نێ ئه‌ڕا ویرووس کرونا ده دنیا بکرێگه دییش هه‌مجا تا ده ئێران ببرێگه کار یه‌ک ساڵ ئه‌و دۊمای ئه‌وسه.
ئی قسه‌یله ک راسن، ئه‌تره‌ش خه‌‌ڵک به‌ێ و رخ له وڵات دڕێ و بیه‌سه ده‌سپێچێ ئه‌ڕا یه ک مه‌ردم فره‌تر چرچ بکه‌ن له واز بیین مه‌دره‌سه‌یله‌گه.
له لای تره‌وه زانکۆوه‌یلن ک ده ئێران، ئه‌ڕا واز کردن دانشگایله، مه‌رجه‌یلێ ناگه ک هه ئجرا نیه‌بن و جگێ رووشنتر وتنه ک ئمساڵ وه شێواز مه‌جازی کار خوه‌یان دکه‌ن و وه خاتر ئی دوجووره‌کارییه ده کار ئی دو وزارتخانه ک هه‌ردوگێیان خاون یه‌ک کار وه نام "ئامووزشن" ده ئێران، به‌دتر سه‌ر مه‌ردم سڕ ماگه
وه‌ختێ داڵگ و باوگه‌یل مناڵه‌یله دین ک سه‌روک‌کومار ئێران، روحانی، خوه‌ی چۊ هه‌ر ساڵ، نه‌وێرست ک بچووگه نام مه‌دره‌سه‌یێگ تا یه‌کم زه‌نگ ساڵ نوو مهدرهسه ده ئێران بزڕنێ و هه وه ئانلاینه‌وه ئی کاره کرد، فره‌تر ده‌نگێیان ده‌‌رهات.
وه بان یه کِ مهدرهسه، وازه‌و بۊه، وه‌لێ ئمساڵ زاڕوومه‌دره‌سه‌یل فره نه‌چگنه مه‌درسه‌یله و بنه‌ماڵه‌یله هه هانه ته‌ما به‌شکه‌م ئمساڵیش دواره ته‌دریس وه مه‌جازی بکرێ.
ئه‌و جووره ک دیاره، چوون وزاره‌ت ئامووزش و په‌روه‌رش شه‌ڕ له خوه‌ی خستگه‌سه لا و وتگه ک مودیره‌یل وموعه‌لمه‌یله بایه‌د ویردار زاڕوومه‌دره‌سه‌یله ببن و ئه‌ر گیرووده ببن که‌فێگه مل ئه‌وان، چۊ چشتێ چمان خاونکاره‌یل مه‌دره‌سه‌یله‌یش ده خودایانه ک داڵگ و باوگه‌یله، مناڵه‌یله‌یان کل نه‌که‌نه مه‌درسه.
چشتێ ک باوگ و داڵگه‌یله دودڵ کردگه، یه‌سه ک هه‌م قه‌یر فره له‌یان کامپیووتر و موبایل و ته‌بلت ئه‌ندرویدار نه‌یرن، هه‌میش به‌رنامه‌ی شاد ک پاره‌که کریا وه ئه‌پلی‌که‌یشن ئه‌ڕا ده‌رس داین فره وه‌کار نه‌بۊ.
ئی چه‌ن ده‌سه‌کییه، تا ئمڕوو سه‌ر له وڵات شێوانگه و نه دبێ بویشیمن ک باوگ و داڵگه‌یله دزانن چه بکه‌ن، نه‌یش خاون مه‌دره‌سه‌یل وه رێ و ره‌وه‌ن کار خوه‌یان یا وه ده‌ستووره‌یل وزاره‌تخانه‌گه‌یان فره دڵنیا و دڵقورسن.
ئی دڵه‌وڕه‌کییه وه‌ختێ فره‌تر‌ه‌و دبێ ک مه‌ردم ژنه‌ون ک هه‌رکام له به‌رپرسه‌یله‌یان ئه‌ڕا خوه‌ی یه‌ک قسه‌ی دکه‌ێ، جوور خانم دوکتور مینوو موحره‌ز له ئه‌ندامه‌یل ستاد میللی کروناپیه‌رێزی وتگه ک "واز کردن مه‌دره‌سه‌یل کار خاسێ نییه و گه‌نه ک وه‌رد گیان میلیوون‌میلیوون له مناڵه‌یل مه‌ردم وازی بکرێ چوون هه‌م مه‌دره‌سه‌یله‌مان جوورێ نیین ک گژه‌ی وا ده‌یان بیاێ و بویشیمن چوون ک گژه‌گژ بایێیانه، کروناگیری که‌مه‌و دکه‌ن، هه‌م ماسک ده وه‌ره‌قه‌ت کرونا نیه‌یاێ و هه‌م حه‌تتا ئه‌گه‌ر وه بومب زدعوفوونی هه‌م بخوازیمن پرچ و پاک کڵاسه‌یله‌گه بکه‌یمن، نیه‌توانیمن دڵنیا ببیمن ک دی که‌س کرونا نیه‌گرێ.
هه له‌ی‌وا ره‌ییس ئه‌نستیتو پاستووور ک مه‌ڵبه‌ند په‌سه‌ن کردن و ره‌د کردن داروو و ده‌رمانه‌یل تازه ده ئێرانه وتگه: ئه‌ر واکسه‌نێ ئه‌ڕا ویرووس کرونا ده دنیا بکرێگه دییش هه‌مجا تا ده ئێران ببرێگه کار یه‌ک ساڵ ئه‌و دۊمای ئه‌وسه.
ئی قسه‌یله ک راسن، ئه‌تره‌ش خه‌‌ڵک به‌ێ و رخ له وڵات دڕێ و بیه‌سه ده‌سپێچێ ئه‌ڕا یه ک مه‌ردم فره‌تر چرچ بکه‌ن له واز بیین مه‌دره‌سه‌یله‌گه.
له لای تره‌وه زانکۆوه‌یلن ک ده ئێران، ئه‌ڕا واز کردن دانشگایله، مه‌رجه‌یلێ ناگه ک هه ئجرا نیه‌بن و جگێ رووشنتر وتنه ک ئمساڵ وه شێواز مه‌جازی کار خوه‌یان دکه‌ن و وه خاتر ئی دوجووره‌کارییه ده کار ئی دو وزارتخانه ک هه‌ردوگێیان خاون یه‌ک کار وه نام "ئامووزشن" ده ئێران، به‌دتر سه‌ر مه‌ردم سڕ ماگه
