ناسا مینەی شمارەیگ خوەیبەخش کەێد لەبان مەریخ زندگی بکەن
2024-02-20T07:54:59+00:00
شەفەق نیوز/ ئاژانس ئاسمانی ئەمریکی ناسا راگەیان، لەدویای شمارەیگ خوەیبەخش گردن کە ئەراماوەی ساڵیگ لە ژینگەیگ زندگی بکەێد وە تەواوەتی جویر مەریخە.
ناسا لەرێکلامەگەی دیاریکردیە، دویەمین ئەرک ژیانکردن لە ژینگەیگ جویر مەریخ ماوەی نزیکەی ساڵیگ وەپی چوود، ئامانج لەلی زانین ئەو ئاڵشتکاری تەندروسی گرووپەگەس وەگەرد توانایەیلیان لەماوەی وەجی رەسانن ئەو ئەرکە کە ناوی "CHAPEA"ـە.
بڕیارە لە وەهار 2025 ئەرکەگە دەسوەپی بکەێد، گرووپە خوەی بەخشەگە لە چوار کەس پێکهانە لە ژینگەیگ دروسکریاگ سێ رەهەندی مینن کە رووبەرەگەی 1700 پا بوود لە ویلایەت هیوستنی ئەمەریکا.
ئاشکەرایکردیە تا 2 نیسان خوەیبەخش وەرگرێد لە وەرانوەر ئەو کارە بڕە پویلیگ دەێد وە بەشداربویەیل.
