ناسا ساڵیگ لەبان یەکەم وینەیل تەلەسکۆپ جەیمس وێب پیرووز کەێد
2023-07-12T11:12:23+00:00
شەفەق نیوز/ ئمڕوو چوارشەممە، دەزگای بۆشایی ئاسمان ئەمریکی (ناسا) ئاهەنگ ئەرا تەلەسکۆپ بۆشایی ئاسمانی جەیمس وێب ساز کرد، یەیش دویای ساڵیگ لە بڵاوکردن یەکەم وینەی گەردوون کە جەهان سەرسڕ کرد.
لە 12ی تەمموز 2022، ناسا پەردە لەڕوی وینەی رەنگاوڕەنگ گەلەئەسارەیل لادا، کە یەکەم جارە لە ری تەلەسکۆپ نوو بۆشایی ئاسمانەو گریا، ئی وینە وەزوی سەرەتای لێکۆڵینەوەی زانستی ئی تەلەسکۆپە دروس کرد.
ناسا هویچ هویردەکارییگ ئاشکرا نەکرد کە وینە نووەگەی لە یەکەم ساڵیادی چە بڵاو کەێد، و تیش ئەوەسا ڤیدیۆ لەبان پەیاکریایل ساڵ یەکەم پەخش کەێد.
هەرلیوا بڕیگ چالاکی ناوخوەیی لە سەرانسەر ئەمریکا وەڕیەو چن.
جەیمس وێب لە سەرەتای دەسکردن وە ئەرکەگەی کە ساڵیگ وەرجە ئیسە بویە، وە وینەی هویرد بیوینەیگ فەلەکناسانەیل سەرسام کردیە، ک دویرترین گەلەئەسارە پەیا کردیە کە تا ئیسە پەیا نەکریایە، ئەرا یەکەمجار پلەی گەرمی ئەسارە سەنگەیل دویر پەیمانە کردیە، چەودیاری ئەسارەی گەنج و کونا سیایل کردیە.
