ژنیگ هیلێد مەلویچگیگ تا ٨٤ رووژ لەناو گیسی لیز بگرێد
شەفەق نیوز/ هانا بۆرون خانمە چالاکوان ژینگەیی، لەی دویاییە، وە رویتی لەناو جادەیل لەندەن گەردێد، ئەرا پاڵپشتیکردن ئەو باڵندەیلە ک هانە ژیر هەڕەشەی فەوتیان، ک هیشت مەلویچگیگ تا ماوەی ٨٤ رووژ لەناو گیسی لانە بکەێد، وەگەرد رووژنامەی دەیلی مەیل بەریتانی.
هانا وت: ئی ئەرکەگەی ئەوەسە ک وەرجە شەفەق چوودە تەیمانەیگ نزیک ماڵەگەی لە ئۆکسفۆرشایەر تا دان بەێدە بەشیگ لەو باڵندەیلە ک هانە ژیر هەڕەشەی فەوتیان تا بتوەنن لە وەرز زمسان قورتار بوون.
وەگورەی رووژنامەگە، یە وە نووترین پابەندی جیاواز دریەێدە قەڵەم، لەلایەن ئەو ژنە ک لە هەفتەی گوزەشتە وە سینەی رویت گەردیە ناو شار لەندەن، تا نشان سەختی رەوش باڵندەیل لە بەریتانیا بیەێد، ک وەرجەیە هیشت مەلویچگیگ تا ماوەی ٨٤ رووژ لەناو سەری لیز بگرێد.
رووژنامەگە وتیش: هانا لەتەمەن ٣٦ ساڵان، وە گیس دەویژی لەوەردەم دەروازەیل دوانینگ ستریت (بارەگای حکومەت بەریتانیا) وسیا، و وەناو هاید پارک رەد بوی، و لەشی وە ڕەنگ بوور رەنگی کردوێد، و وینەی باڵەوەرەیل لەقەی لەشی بوی.
