پەنیر مرافەیگ ناو دوو دەوڵەت ئەوروپا نەێدەو

شەفەق نیوز/ باوەت وڵات دەنیمارک، ئمڕوو پەنجشەممە، لە وەردەم دادگای ئەوروپا شکست هاورد، ئەوەیش لەبان هەناردەکردن پەنیریگ وەناو "ڤیتا" ئەرا دەیشت یەکێتی ئەوروپا، ک ئەو ناوە ئەرا یونان توومار کریاگە،  و خوەی خاوەن ئەو پەنیرەسە.  

دادگاگە لە بڕیارەگەی وت: دویای شکستهاوردن لە قەیەغەی وەکارهاوردن ناو "ڤیتا" ئەرا هەناردەکردن وەرەو دەیشت یەکێتی ئەوروپا، دەنیمارک لە پابەندیی وە یاسای یەکێتی ئەوروپا شکست هاورد.   

دادگاگە داوا لە دەنیمارک کرد واز لەی ناوە بارێد، و داوا لەلی کرد وەزوی پابەند بڕیارەگە بوود، وئەگەر پابەند نەوی، دەسەگە توەنێد جاریگتر بچوودە دادگا وداوای قەرەبوو لەلی بکەێد.  

"ڤیتا" ناویگە لە ساڵ ٢٠٠٢ لەناو یەکێتی ئەوروپا پارێزبەندی کریاگە، و دەنیمارک و ئەڵمانیا لەساڵ ٢٠٠٥سکاڵایگ لەی باوەتە لەدەس بردن،  باوجی دەنیمارک هەر هەناردەی کرد.