ژنیگ تا ١٠ ساڵ تەرم داڵگی لەناو یەخچاڵ شاریدەو

شەفەق نیوز/ ژنیگ تەرمەگەی داڵگی لەناو یەخچاڵ ماڵەگە تا ١٠ شاردەو، تا وەناکاوەو رسوا بوی.

یانی یوشینۆ ژنە یابانیە ٤٨ ساڵانەگە ئووشێد: تەرم داڵگی لە چەوەیل پۆلیس لەناو یەخچاڵگە شاردیەسەو، چوونکە رخی لەوە چگە ک دویای ئاشکرابوین مردن داڵگی، ناچار بکریەێد ک لەماڵەگە دەرچوود.

پۆلیس یابانی راگەیان ک دەسگیر یوشینۆ کرد وە توومەت شاردنەوەی ترم ژنیک، دویای ئەوە ک رووژ چوارشەمەی گوزەیشتە لەناو یەخچاڵەگە لە ماڵەگەی لە شار تۆکیو پیای کریا.

 کارمەن پاکەوکرنەگە، وەبی زانستن، تەرمەگە لەوەخت پاکەوکردن لەناو یەخچاڵگە دیەو.

سەرچەوەیلیگ لە پۆلیس ئاشکرا کردن ک یوشینۆ وتگە: داڵگم وەرجە ١٠ ساڵ مردگە، و تەرمەگەی شاردمەو چوونکە رخم چگ لەماڵەگە دەرم بکریەێد ک وەهاوبەشی لەناوی بویمن، چوونکە گریەبەسی کرای ماڵەگە وەناو داڵگم بویە.