مناڵیگ لە تەمەن ٨ ساڵان داڵگ بیماری لە مردن رزگار کەێد
رایان پەیوەندی وە پزیشکەیل فریاکەوتن کرد دویای ئەوە کە نووڕێد کە داڵگی ئەلیسیا تەمەن ٢٧ ساڵان نیەتوەنێد قسە بکەێد و هەناسە بەێد.
داڵگەگە تویش کاردانەوەی حەساسیەت بوی، دوای ئەوە کە پزیشکەگەی دەرمان ئەرای نویسان ئەرا هەوکردن لویلەی میز.
داڵگەگە وتیە؛ هەس کردیە کە هووشی نەمەنیە و پووسی سوورەو بویە، و مناڵەگەی لەجیای ئەوەگ تویش رخ و هەڵپڕکیان باێد، ئەو کوڕ بویچگە پەیوەندی وە ئەمبولانس کردیە.
داڵگەگە ئویشێد: دویای نانخواردن نیمەڕوو چیمەسە دەرمانخانە تا دەرمان دژە زیندەیی وەربگرم، دویای پەنج خولەک لە خواردنیان دەس کریا ژان و خوریان قوڕگ و بیتوانای هەناسەدان.
وتیش؛ کوڕەگەم پەیوەندی وە فریاکەفتن کرد و وەڵام گشت ئەو پرسیارەیلە دا کە پەیوەندی وە ناونیشان ماڵەگە دیرێد، کە خوەی لەی چشتەیلە فرە و بیدەنگ و شەرمنە، نیەزانم چوین ئەو کارە کردیە.
وتیش: "فرە شانازی کەم، فرە خوەشهاڵم، و هەر لە تەمەن چوار یا پەنج ساڵییەو هوکارەی کردمە کە ئەگەر تویش نوورەی تەنگەنەفەسی هاتم، پەیوەندی وە شمارە ٩٩٩ بکەێد".
