مەوقەی گەردینی لە کنار دەریا.. پیاویگ کۆکایین بایی ٩٠ مەلیۆن ئیستەرلینی پەیا کەێد
شەفەق نیوز/ پیاویگ وەناکاوەو بڕ گەورەیگ لە کۆکایین پەیا کرد، ک مەزەنە کریەێد نرخەگەی بڕەسێدە ٩٠ مەلیۆن جنێە ئیستەرلینی، ئەوەیش مەوقەی گەردینی لە کنار دەریا لە خوەرئاوای ویڵز.
پیاوەگە لە کنار دەریاگە، نزیک ناوچەی ئیبیریستویت گەردیاد، هەنای دەیان کیسە پەیا کرد، ک جویر زنجیرەیگ وەیەکەو بەسیانە، ئاوەگە ئەرا کنارەگە تەکانی داگە.
وەگورەی رووژنامەی دەیلی مەیل بەریتانی، هەر یەک کیسە نزیکەی یەک کیلوگرام کۆکایین پەتی لەناوی بویە.
پیاوەگە ک نەخوازیە ناو خوەی ئاشکرا بکەێد، وتیە: لە گەردینیگ لە مەوقەی شەوەکیان زوییگ بویم، هەنای چشتیگ لە کنار دەریاگە پەیا کردم، خوەشم هات بزانم چەس، هەنای رەسیمە نزیکی، وەکوتپڕ زانستم چە هاناوی.
وتیش: ژنیگ لەو ناوە تەلەفۆن پۆلیس کرد، ک دویای نیم ساعەت رەسین، وهەنای کیسەیلە واز کردن، دیار بوی ک کۆکایین پەتیە، و گشت کیسەیل وەرەو دەیشت کڕانن، و بردنەیان.
وەگورەی دویاترین هەڵسەنگاندن لە ئاژانس نەهیشتن تاوان نیشتمانی، بڕ بازرگانیکردن وە کۆکایین لە بەریتانیا هەر رووژیگ وە زیاتر لە ٥،٧ مەلیۆن ئیستەرلینی مەزەنە کریەێد.
