بەریتانیا لە بنچینەی نوو کۆڕۆنا هووشداری دەێد: شایەت دڕندەتر بوود
2021-01-23T07:54:41+00:00
شەفەق نیوز/ بۆریس جۆنسن سەرۆک وەزیران بەریتانیا وت: بەڵگە زوینەگان ئاماژە کەن ک بنچینە نووەگە ک لە ڤایڕۆس کۆڕۆنا ئاڵشت بویە ک لە بەریتانیا دەرچگ، شایەت دڕندەتر بوود.
لە کۆنگرەیگ رۆژنامەوانی لە بارەگای حکومەتەگە وت: ڤایڕۆس کۆڕۆنا ک لە بەریتانیا ئاڵشت بویە، شایەت بوودە هووکار رێژەیگ بەرزتر لە مردنەگان، وەگورەی رۆژنامەی گاردیان ئەمریکی.
وتیش؛ ئمڕوو ئاگادارمان کریا ک بیجگە ئەوە ک وەزوی بڵاو بوود، دیارە هەمیش چەن بەڵکەیگ هەس ک بنچینە نووەگەی ڤایڕۆس کۆڕۆنا شایەت پەیوەندی وە بەرزەوبوین ئاست مردنەگان دیرێد.
جۆنسن وتیش: هەردوگ واکسینەگە ک ئیسە وەکاریان تیەرێمن تا ئیسە گورجن وەدژ بنچینەی کۆن و نووەگە.
