کۆمپیوتەریگ ئەپڵ وە 400 هەزار دۆلار فروشیا
2021-11-12T07:55:50+00:00
شەفەق نیوز/ کۆمپیوتەرێگ ک لە ساڵ ١٩٧٦ وەلایەن دامەزێنەرەێل کۆمپانیا ئەپڵ، ستیڤ وۆزنیاک و ستیڤ جۆبزەوە دروستکریایە لە بانگەشەی زیادکردنێگ لە ئەمریکا وە ٤٠٠ هەزار دۆلار فروشیا.
کەناڵ "BBC" بڵاوكرد ك کۆمپیوتەرەگە یەکەم کۆمپیوتەرە ک کۆمپانیای ئەپڵ بەرهەمی کردگە، ناوی"Apple 1" و لە مەوقەی خوەی تەنها ٢٠٠ دەنگ لەو کۆمپیوتەرە دروست کریایە.
وەگورەی ئەو زانیارییەێلە شانەی زیادکردن جۆن مۆران ئاو کشینییەرز خسەرۊی، یەکەم وەکارهاوەر کۆمپیوتەرەگە پڕۆفیسۆر زانکۆێگ بۊیە، دۊیایی کۆمپیوتەرەگەی وە ٦٥٠ دۆلار فروشتیەسە خوەنەوارێگ خوەی.
ستیڤ وۆزنیاک، ستیڤ جۆبز و رۆناڵد واین لە یەک نیسان ١٩٧٦ و لەناو گەراجێگ لە ویلایەت کالیفۆنیادا، کۆمپانیای ئەپڵ دامەزرانن.
