مەرگ لەبان کناراوەیل دیجلەی بەغداد.. وینە
2023-09-22T07:18:57+00:00
شەفەق نیوز/ پیسیەیل لە سەرچەوەیلیگ جیاجیا، کەفتنەسە بان کناراوەیل چەم دیجلە، لە بەغداد پایتەخت، کە شیوەی بەد و ناشیرینیگ لەو چەمە نشان دەێد کە چەنای چەنیگ شاعر و هونەرمەنەیل وەباڵای وتنە.
کامیرای ئاژانس شەفەق نیوز وینەیل کەڵەکەبوین کوومەیل گەناڵخە و زواڵە، کە چشتەیل پلاستیک لەناویان زاقه، لە کناراوەیل چەم دیجلە لەلای کەرخ بەغدا توومار کرد.
ئی سیمایلە، وەگەرد راپۆرتەیلیگ رووژنامەوانی تیەن کە ئویشن دی ئاو دیجلە و کەڵک نووشین مەردم نیەتێد، دویای ئەوە کە ئاست پیسیی رەسیە زیاتر لە ٩٠٪.
وەزارەت سامانەیل ئاو عراق، گلەیی بەرزەبوین ئاست پیسبوین ئاو چەمەگە خەێدە بان وەزارەت تەندروسی لە پلەی یەکەم، ئمجا لەبان لایەنەیل پەیوەندیدار.
ئەمیندارێتی بەغداد جویر یەکەم وەرپرس لەبان پاکی گشت پایتەخت، ئاژانسمان وەپی نەکریا قسەیگ لەلی بوەێد لەباوەت ئەو کەموکووڕیە لە هەڵگردن گەناڵخەی بان کناراوەیل چەم دیجلە.
