فرووشتن ماشینەگەی شازادە دیانا

شەفەق نیوز/ ئەو ماشینە ک شازادە دیانا لە هەیشتایل سەدەی گوزەشتە رانیادەی، وە ٦٥٠ هەزار جنێە ئیستەرلینی (٧٦٤ هەزار دۆلار) فرووشیا، ئەوەیش لە زیایکردن ئاشکرا، وەرجە چەن رووژیگ لە بیس وپەنجەمین ساڵیاد مردنی.

کۆمپانیای "سيلفرستون" ئەرا فرووشتن ماشینەیل کلاسیک وت: زیایکردن فرەیگ لەبان ماشین "فۆرد ئیسکۆرت ئار ئێس توربۆ" ڕەنگ سیا بوی، و بسینە بەریتانیەگە ک ناوی ئاشکرا نەکریا، ١٢،٥ لەسەد لەبان نرخ فرووشتنەگەی زیای کرد.

بەریتانیا ودووسەیل شازادە دیانا لە جەهان، ئامادەکاری ئەرا ئاهەنگ چارەک سەدەیگ لە ساڵیاد کووچکردنی کەن، ک وە رویداویگ دڵتەزن، لە ٣١ ئاب ١٩٩٧ لە پاریس گیانی لەدەسدا.