کەشناسیگ...دیاری رویکردن شەپوول واران وەرەو کەێد لە عراق و هاتێ لافاو بارێد
شەفەق نیوز/ پسپۆر کەشناسی ئاراس جەبار، ئمڕوو جومعە، خەوەردا لە شەپیگ تون لە واران ک لە ئمڕووە تا نیمەی ئی مانگە روی لە سعودیە و عراق کەێد.
جەبار لە پۆستیگ لەبان تووڕ کۆمەڵایەتی راگەیان؛ لە وەختەیل جیاواز و هاتێ لە ئمڕووە تا رووژ ١٥ی ئی مانگە، باکوور سعودیە و باشوور و باشوور خوەرهەڵات عراق بکەفێدە وەر کاریگە ناجیگیری کەشوهەوا و بەڵاچە و واران وارین رفتیگ ها وەگەردیا.
پیشبینی کریەێد کەشوهەواگە لاو و لافاو لە بڕیگ ناوچەیل هەردگ وڵاتەگە وەگەردیا بارێد، دیاریکرد پیشبینی کریەێد ئی شەپوولە وەرەو ئاراستەی هەرێم کوردستان بچوود، باوجی ئاڵشتکاریەیل لەباکوور سعودیە و باشوور عراق جیگیرەو بوود.
لەباوەت واران وارین هەرێم جەبار وت: هاتێ شەپوولیگتر واران وارین لە 16 ئی مانگە دەسوەپی بکەێد، باوجی تا ئیسە دیار نییە ک وە هەمان ئاراستەی شەپوولەگەی وەرین جیگیر بوود یس ئاراستەگەی ئاڵشت کەێد.
