کەشتییگ جەنگیی فڕۆکەهەڵگر ئەمریکی وە کەمتر لە دۆلاریگ فروشیەێد

شەفەق نیوز/ ڕاپۆرتە رووژنامەوانیەیلەی ئەمریکا باس لەوە کەن، کەشتیی “یو ئێس ئێس کیتی هاوس” ک یەکیگە لە هێما دیارەیل هێز سەربازیی ئەمریکا، کارەگەی کۆتایوەپی هاتییە و وە کەمتر لە دۆلاریگ فروشیایە. 

تووڕ CNN ئەمریکی بڵاوکردەو، کەشتییە جەنگییە فڕۆکەهەڵگرەگە وە کەمتر لە دۆلاریگ فروشیایە وە کۆمپانیای International Shipbreaking Limited، کە تایبەتە بە هەڵوەشانن کەشتی.  سەرچەوەگە ئۊشێد، ئەو کەشتی جەنگییە، لەنوان ئۆقیانووس هێمن و هیندی هاتوچو کردیە ٨ەرا چەن ئەرکیگ جەنگی جۊر بەشداریکردن لە جەنگ ڤێتنام. 

و قورتار بۊیە لە رۊداو لەیەکداینیگ وەگەرد ژیردەریاییگ یەکێتیی سۆڤێت.  ئەو کەشتییە ئیسە کارەیلی کۆتایی وەپی هاتییە و لە چەن مانگ ئایندە کۆتا گەشت کەێد لەنوان واشنتۆن و تەکساس وەخاتر رەسین وە کۆمپانیای بسینەر و هەڵوەشانی. 

درۊژی کەشتییەگە رەسێدە 319 مەتر و پانیەگەی رەسێدە 76 مەتر، ئەوەنە گەورەس نیەتۊنێد وە کەناڵ پەنەمادا رەدبوود. 

ئەو فڕۆکە هەڵگرە لەساڵ 1960 دروسکریایە و ناوەگەی لە ناوچەیگ ویلایەت کارۆلینا وەرگیریایە ک یەکەمجار فڕۆکەیگ لەبانی فڕیە. 

کەشتییە فڕۆکەهەڵگرەگە ماوەی 50 ساڵ خزمەت کردیە، لەساڵ 2009 لە خزمەت وسیایە، ئەوە دۊایین کەشتیی فڕۆکەهەڵگرە ک وە سوتەمەنی کارکەێد، کەشتییەیلە دۊای ئەوە سەرجەمیان وە وزەی ئەتۆم کارکەن.