شاژن کووچکردگ بەریتانیا پەیامیگ نهێنی نویسێد وەمەرجیگ دویای ٦٣ ساڵ بخوەنیەێد

شەفەق نیوز/ رووژنامەی دەیلی مەیل بەریتانی، ئمڕوو یەکشەممە، باس نامەیگ نهێنی ئەرا شاژن کووچکردگ بەریتانیا ئلیزابێت دویەم کرد، ئەرا هاووڵاتیەیل سیدنی ئوسترالیا نویساسەی، باوجی تا ساڵ ٢٠٨٥ ئاشکرای نویسیان پەیاماگە نیەکریەێد.

رووژنامەگە وت: بینای شاژن ڤیکتۆریا لە ناوچەی کارەیل لە سیدنی پەیامیگ نهێنی لە ئێلیزابێت دویەم هاناوی، و فەرمان وە وازنەکردنی تا ساڵ ٢٠٨٥ هاناوی.

شاژن پەیامەگە دویای کارەیل خاسەوکردن بیناگە لە تەشرین دویەم ١٩٨٦ نویسان، و تیم کەسایەتی خوەییش نیەزانێد چە لەناوی نویساگە.

پەیامەگە خریا ناو چوارچوپەیگ لەناو قوتییگ شویشەیی، و تەنیا فەرمان شاژنەگە لەلی دیارە.

لە فەرمانگە نویسیاگە: ئەرا عومدەی سیدنی، ئوسترالیا، فەرموو ئی پەیامە واز بکە لە هەر رووژیگ لە ساڵ ٢٠٨٥ پەسەن کەێ، و پەیامەگەم بڕەسنە هاووڵاتیەیل سیدنی.