کەفتن قوربانی لە ئەنجام تەقەکردن لەناو مۆڵیگ قەرەباڵغ لە سیدنی
وەرجەیە پۆلیس ئوسترالیا دووپات کرد کە ڕاپۆرت وەپییان رەسیە کە "چەن کەسیگ" لەناو مۆڵیگ قەرەباڵغ لە سیدنی وە چەقوو کوشیانە مناڵیگ هاناویان.
پۆلیس ئوسترالیا وت: لە پەلاماریگ وە چەقوو لە سەنتەر وێستفیڵد لە گەڕەک بۆندی جانکشن، کە دویاینیمەڕو رووژ شەممە بسینەیل فرەیگ لەناوی بوینە، هەشت زەخمدار بوین.
پۆلیس مۆڵەە بەسا و داوا لە دانیشتگەیل ناوچەگە کرد خوەیان دویر بگرن.
دەزگای ئەمبولانس ویلایەت نیو ساوس وێڵز ئەرا ئاژانس فرانس پرێس وت: پۆلیس مینەی پیاویگ کەێد کە هاتێ یەکیگ لە تەقەکەرەیل بوود.
قسەکەر خزمەتگوزاری فریاکەفتن نیو ساوس وێڵز راگەیان؛ پۆلیس تەقە لە یەکیگ لە تاوانبارە گومانلیکریاگەیل کردگە و مینەی ئەوەکان کەێد، وتیش؛ شمارەیگ هاوڵاتی هیمان لەناو سەنتەر بازرگانییەگە بوبن.
هەرچەن هیمان پاڵنەرەیل پەلامارەگە ئاشکرا نییە، بەڵام پۆلیس ئوسترالیا گریمانەی "تیرۆر" لە پەلامارەگە ڕەت نیەکەێد.
وەگورەی قسەی وەچەودیەیل، زیڕە ە رخیگ لە شوینەگە زاڵ بویە، لە وەختیگ بسینەیل ئەرا دەو کرد وەپەنای بیوەیی و پۆلیس شوینەگە مسۆگەر کردگە.
شمارەیگ کەس لە مۆڵەگە پەنا بردن و نزیکەی یەک ساعەت لەورا مەنن.
دەنگ فیکەی ئاگادارکەر پۆلیس و قیژەی هێلیکۆپتەرەیل ژنەفیا.
لە ڤیدیۆییگ دەرکەفت کە چەن ماشینیگ ئەمبولانس و پۆلیس لە دەورگرد مۆڵەگە بوین دد و خەڵک زویوەزوی چنە دەیشت.
کەناڵ ABC بڵاو کرد کە پۆلیس شوین وسیان ماشینەیل سەربانەگە وەشکنێد لە وەختیگ فریاگوزاری لە شوین رویداوەگە دەسکردنە بە چارەسەرکردن زەخمدارەیل.
رۆی هۆبەرمان، ئەندازیار دەنگ لە کەناڵید ABC، خەوەردار تووڕەگە کرد و کە: لەناکاو دەنگ تەقە هاتە رەسیە گووش کە دوو تەقە بوی و نەزانستیمن چە بکەیمن. ئیجا کەسیگ بردمانە شوینیگ لە پشت فرووشگاگە و بەسادەی، ئمجا توەنستیمن لە پشتەو دەرباز بویمن و ئیسە هایمنە دەیشت”.
