سەگیگ خاوەنەگەی لە مردن قورتارکەێد

شەفەق نیوز/ لە روداویگ ئەڵاجەۊی و نامۆ سەگیگ تۊەنێد خاوەنەگەی لە مردن قورتار بکەێد دۊیای ئەوەگ  ماشین خاوەنەگەی  کەفێدە وەرد رووداویگ هاتوچوو وەگەرد بارئەڵگر بۊچگیگ لەبان رێ گشتی نیوهامپشایر.    

دەسەڵاتدارەیل ئەمریکا باس لەوەکردن ئەو سەگە لەجۊر چیپەر ئەڵمانیە و ناوی “تینسلی”یە، دیاریکرد مەوقەی ئەفسەرەیل پۆلیس لە سەگەگە نزیک بۊینە، ئاژەڵەگە لەبان رێ گشتی وەرەو باکوور هەڵتێد ئەرا ئەوەگ ئەفسەرەیلە لەشۊن ڕووداوەگە ئاگادار بکەێد.    

هووکار قورتاربۊین پیاوەگە لەوەر سەگە وەوەفا و دڵسوزەگەی بۊیە دۊیای ئەوە تۊەنێد وەرپرسەیل ئاسایش وەرەو شۊن رووداوەگە بوەێد ک لەنزیک ری گشتی  پل خواردۊید، پۆلیس ناوچەگە وتن،” ئەو کەسەیلە لەناو بارهەڵگرەگە بۊین زەخمداری سەختیگ داشتنە  راستەوخۆ ئەرا خەسخانە کلکریانە و سەگەگەیش هۊیچ زەرەردیگ وەپی نەڕەسیە”.